தகவல் அறியும் உரிமைச் சட்டம், 2005 Right to Information Act, 2005 Key aspects of the RTI Act, 2005
ஆசியக் கண்டத்திலேயே மிகப் பெரிய குடியரசு நாடான இந்தியா, தனது மக்களின் உரிமைகளைப் பரிபூரணமாக பேணிக் காக்க இந்திய அரசியல் அமைப்பும் சட்டத்தை உருவாக்கியது மக்களாட்சியில் அரசு மற்றும் அரசைச் சார்ந்து அலுவலகங்களின் செயல்பாடுகளை பொது மக்கள் ஒளிவு மறைவின்றி வெளிப்படையாக தெரிந்து கொள்வது மிகவும் அவசியமாகும். இந்த நோக்கத்தை எய்துவதற்கும், குடிமக்கள் ஒவ்வொருவரும், அரசு (அல்லது) அரசு சார்ந்த அலுவலகங்களிடமிருந்து தகவல் பெறுவதற்கும் ஏதுவாக தகவல் அறியும் உரிமைச்சட்டத்தினை நடைமுறைப்படுத்துவது காலத்தின் கட்டாயமாகும். தகவல் பெறும் உரிமைச்சட்டம் தமிழகத்திற்கு புதியதல்ல. அரசின் செயலாற்றல் வெளிப்படையாக இருக்க வேண்டும் என்ற உயரிய எண்ணத்துடன், தமிழக அரசு 1997 ஆம் ஆண்டு, மே திங்கள் 4 ஆம் நாளே "தமிழ்நாடு தகவல் பெறுவதற்கான உரிமைச் சட்டத்தினை" வெளியிட்டது. தற்போது, தகவல் பெறும் உரிமைச்சட்டம் 2005-ஐ ஜம்மு-காஷ்மீர் மாநிலம் நீங்கலாக நாட்டின் அனைத்து மாநிலங்களிலும், அக்டோபர் மாதம் 2005-ல் முழுமையாக நடைமுறைப்படுத்த, மத்திய அரசால்சட்டம் வெளியிடப்பட்டுள்ளது அரசு அதிகாரிகளிடமிருந்து தகவல்களை பெறும் உரிமையை அடிப்படை உரிமையாக மக்களுக்கு வழங்கும் வகையில் இச்சட்டம் உள்ளது. எனவே அரசு அலுவலகங்கள் ஒவ்வொன்றின் செயல் திறனிலும், வெளிப்படையான நிலை. செயலாற்றுபவர்களிடையே பொறுப்புடமையை மேம்படுத்துதல் மற்றும் அரசு மற்றும் அரசு சார்ந்த அலுவலகங்களின் கட்டுப்பாட்டிலுள்ள தகவல்களை குடிமக்கள் ஒவ்வொருவரும் பெற்றுக்கொள்ள வழி செய்யும் சட்டமே தகவல் உரிமைச்சட்டம் 2005 . (Published in Tamil Nadu Government Gazette Extraordinary, dt.12.07.2005, Pages 149-170)
2005 ஆம் ஆண்டின் தகவல் அறியும் உரிமைச்சட்டத்தின் கண்காணித்தல் மற்றும் செயலாக்கம் தொடர்பான பொருள் பொதுத்துறையிலிருந்து, பணியாளர் மற்றும் நிருவாக சீர்திருத்தத்துறைக்கு அரசாணை நிலை எண். 1365, நாள்.21-11-2006 இன் மூலம் மாற்றப்பட்டுள்ளது. இத்துறையில், தகவல் அறியும் உரிமைச்சட்டத்தின் செயலாக்கம் மற்றும் நிருவாகம், அதன் தொடர்புடைய அறிவுரைகள், ஆணைகள், விளக்கங்கள் வழங்கப்படுகின்றன. இச்சட்டம் தொடர்பாக ஏதேனும் விளக்கம் அல்லது தெளிவுரை வேண்டின் பணியாளர் மற்றும் நிருவாக சீர்திருத்தத்துறை (நீ.சீ.3) என்ற பிரிவிலிருந்து உரிய தகவலைப்பெறலாம் பணியாளர் மற்றும் நிருவாக சீர்திருத்தத்துறையின் சிறப்பு ஆணையாளர் மற்றும் அரசு செயலாளர் அவர்கள் இச்சட்டத்தின் மாநில ஒருங்கிணைப்பு அலுவலர் (STATE NODAL OFFICER) ஆவார். இச்சட்டத்தின் கண்காணித்தல் மற்றும் செயலாக்கத்திற்காக துணைச்செயலாளர் (த.பெ.உச.) மற்றும் சார்புச் செயலாளர் (த.பெ.உ.ச.) ஆகியோர் தனியே நியமிக்கப்பட்டுள்ளனர்.
இச்சட்டத்தின் நோக்கங்கள்: அரசு அலுவலகங்கள் ஒவ்வொன்றின் செயற்பாட்டிலும் வெளிப்படையான ஒளிவுமறைவற்ற நிலையைக் கொண்டு வருதல், அரசு மற்றும் அரசு சார்ந்த அலுவலகங்களில் செயலாற்றுபவர்களிடையே பொறுப்புடமையை மேம்படுத்துதல்; அரசு மற்றும் அரசு சார்ந்த அலுவலகங்களின் செயலாற்றல் குறித்த தகவல்களைப் பெற விரும்பும் குடி மக்களுக்கு, அதை அளிக்க வகை செய்வதோடு, ஊழலை ஒழித்தல்; அரசு மற்றும் அரசு சார்ந்த அலுவலகங்களைப் பொறுப்புடையதாக ஆக்குவதோடு உள்ளார்ந்த தகவல்களின் ரகசியத்தைக் கட்டிக் காத்தல், மாநில தகவல் ஆணையம் தகவல் அறியும் உரிமைச்சட்டம் 2005, பிரிவு 15இன்படி, தமிழ்நாடு மாநில தகவல் ஆணையம் உருவாக்கப்பட்டு, அவ்வாணையம், ஒரு மாநில தலைமைத் தகவல் ஆணையர் மற்றும் இரண்டு மாநில தகவல் ஆணையர்களின் கீழ் 07.10.2005 முதல் இயங்கி வருகிறது. (அரசு ஆணை (நிலை) எண். 988, பொதுத் துறை, நாள் 07.10.2005).
தகவல் அறியும் உரிமைச்சட்டம். இந்தியாவில் மிகப்பெரிய ஒரு சட்டப்புரட்சியை ஏற்படுத்தியுள்ளது. இந்தச் சட்டம் இரும்புத்திரையாக இருக்கும் காவல் துறையைக் கூட கேட்கும் தகவலைக் கொடுக்கவைத்துள்ளது.
நமக்குத் தேவையான சட்டத்தை நாடாளுமன்றமும் சட்டமன்றமும் இயற்றினால் கூட மத்திய, மாநில அமைச்சர்களும் அந்தச்சட்டத்திற்கு உட்பட்டவர்களேயாவார்கள். எவரும் சட்டத்திற்கு மேற்பட்டவர்களாக இருக்கமுடியாது என்ற விவரம் இந்தச்சட்டத்தின் கீழ் தீர்ப்பு வழங்கிய மத்திய தகவல் ஆணையத்தின் (Central Information Commission) மூலம் நமக்குத் தெரிய வந்தது.
குடும்ப அட்டை (Family Card) என்பது, மக்களுக்குத் தேவையான இன்றியமையாப் பண்டங்களை (Essential Commodites) ரேஷன் கடையில் வாங்குவதற்காகக் கொடுக்கப்படுவதாகும். அதனை நபர் ஒருவருக்கு ஜாமீன் வழங்குவதற்கு நீதிமன்றம் ஏன் கேட்கிறது ? நீதிமன்றம் அவ்வாறு கேட்கக் கூடாதென்று தமிழ்நாடு மாநிலத் தகவல் ஆணையம் வரலாற்றுச் சிறப்பு மிக்க தீர்ப்பு ஒன்றை வழங்கியிருக்கிறது.
ஒரு மனிதன் நீதிமன்றத்தை அணுகாமல் வீட்டில் இருந்தபடியே நீதியைப் பெறவேண்டும். அந்த நாள் எப்போது வரும் ? ஆனால் இந்தச் சட்டத்தின் மூலம் அது ஓரளவுக்கு நிறைவேறியிருக்கிறது.
இந்தியாவின் ஒரு குக்கிராமத்தில் இருக்கும் ஒரு குடிமகன் (Citizen), இந்தச்சட்டத்தின் கீழ் இந்தியக் குடியரசுத்தலைவரின் மாளிகையிலிருந்து ஒரு தகவலைப் பெற முடியும் அந்த இந்தியக் குடிமகனுக்குரிய தகவலை இந்தியக் குடியரசுத் தலைவரின் மாளிகையில் பணியாற்றும் அலுவலர்கள் கொடுக்கவில்லையேல், அதன் அதிகாரிகள் இந்தச் சட்டத்தால் தண்டிக்கப்படுவார்கள்.
தகவலைக் கேட்டுப்பெறுவதற்காக 30 நாட்கள் அல்லது 35 நாட்கள் காத்திருக்க வேண்டுமென்ற அவசியமில்லை. மிகவும் அவசரமானதும் (Emergent) வாழ்வு-உரிமை (Life and Liberty) சம்பந்தமானதுமான தகவல்களை 48 மணி நேரத்திற்குள் அளிக்க வேண்டுமென்று கேட்கலாம். அதில், முதல் மேல்முறையீடு (Firstappeal) இரண்டாவது மேல் முறையீட்டை (Second appeal) 7 நாட்களுக்குள் முடித்துக்கொள்ளலாம். வழக்குத் தகவல் ஆணையம் (Information Commission) வரையில் சென்றும், தகவல் கிடைக்காதபோது, உச்சநீதிமன்றத்திலோ (Supreme Court) உயர்நீதிமன்றத்திலோ (High Court) நீதிப்பேராணை மனு (Writ Petition) தாக்கல் செய்வதன் மூலம் தகவலைப் பெறலாம்.
இந்தியத் திருநாடு விடுதலைப் பெற்ற பிறகு, இந்திய நாட்டு நாடாளுமன்றம் இயற்றிய சட்டங்களில் மிகவும் சிறந்த சட்டம், தகவல் அறியும் உரிமைச் சட்டமேயாகும்.
அரசு அலுவலங்களில் சான்றிதழ்களைப் பெறுவதற்கு மாதக் கணக்கில் ஆண்டுக்கணக்கில் காத்துக் கிடந்த மக்கள், தகவல் அறியும் உரிமைச் சட்டம் இயற்றப்பட்ட பிறகு, தமக்குரிய தகவல்களையும் சான்றிதழ்களையும் உடனடியாகப் பெற்றுக் கொள்ள முடிகிறது. அதுவும் இலஞ்சமில்லாமல் !!!
இந்தச் சட்டம் இயற்றப்படுவதற்கு முன்னர் தகவலையும் சான்றிதழையும் பெறுவதற்கு அரசு அலுவலங்களை நாள் கணக்கில் அணுகி அன்றாடம் அலைய வேண்டும். மற்றும் இலஞ்சம் கொடுக்க வேண்டும். இப்போது அந்த நிலைமையெல்லாம் கிடையாது. வீட்டில் இருந்த படி, எந்த அலுவலகத்திலிருந்து நமக்குத் தகவல் வேண்டுமோ அந்த அலுவலகத்திற்கு மனு ஒன்றை எழுதி ரூ.10/- க்கு நீதிமன்ற முத்திரைவில்லை ஒட்டி அனுப்பினால் போதுமானதாகும். அல்லது ரூ. 10/- க்கு கேட்புவரைவோலை (D.D) அனுப்பினால் போதுமானதாகும். நாம் கேட்கும் தகவல் நமது வீட்டை வந்தடையும். மனுவில் முத்திரைவில்லை ஒட்டவில்லை யென்றாலும் கேட்புவரைவோலை (D.D) அனுப்பவில்லை என்றாலும் தகவல் கொடுத்தே ஆக வேண்டும். மனுவில் முத்திரை வில்லை ஒட்டவில்லை அல்லது கேட்பு வரைவோலை (D D) இணைக்கவில்லை என்ற காரணங் காட்டி தகவல் கொடுக்க மறுக்கக்கூடாது.
இந்தச் சட்டம் நடைமுறைக்கு வந்ததால் பல வழக்குகள் நீதிமன்றத்திற்கு வராமலேயே தவிர்க்கப்பட்டுள்ளன.
இந்திய நாட்டுப் பாதுகாப்புத்துறை மற்றும் உளவுத்துறையில் பாதுகாத்து வைக்கப்பட்டிருக்கும் சில ரகசியங்களைத் தவிர இந்திய குடியரசு தலைவரின் அலுவலகம், பாரதப்பிரதமர் அலுவலகம் உள்ளிட்ட இந்திய நாட்டு அரசு அலுவலங்கள் மற்றும் மத்திய, மாநில அரசுகளிடமிருந்து உதவி பெறும் அலுவலகங்கள், நிறுவனங்கள், காவல் நிலையங்கள், நீதிமன்றங்கள், வங்கிகள், பள்ளிகள், கல்லூரிகள் ஆகியவற்றிலிருந்தும் இந்திய நாட்டு மக்கள் தமக்கு வேண்டிய தகவல்களைப் பெறமுடியும்.
தகவல் மிகவும் அவசரமாக வேண்டப்படுவதாக இருக்கும் போதும், வாழ்வுரிமை சம்பந்தப்பட்டதாக (அதாவது இந்திய அரசியல் அமைப்புச் சட்டத்தில் குறிப்பிடப்பட்ட அடிப்படை உரிமை சம்பந்தப்பட்டதாக) இருக்கும் போதும் குடும்ப அட்டை, ஓய்வூதியம் சம்பந்தப்பட்டதாக இருக்கும்போதும்; தகவலை 48 மணிநேரத்தில் அளிக்கும்படி கேட்கலாம். இதுபோன்ற விடயங்களில் 48 மணி நேரத்தில் தகவல் கொடுக்காதபோது, உடனடியாக மேல்முறையீடு செய்யலாம் 30 நாட்கள் 90 நாட்கள் என்று காத்திருக்க வேண்டியதில்லை. ஒரு வாரகாலத்திற்குள் தகவல் ஆணையத்தில் இரண்டாவது மேல்முறையீட்டைத் தாக்கல் செய்யலாம். மூத்த குடிமக்கள் மற்றும் உடல் ஊனமுற்றோர் ஆகிய இவர்களுக்கு முன்னுரிமை அடிப்படையில் இவர்களின் கோரிக்கை பரிசீலிக்கப்பட வேண்டும் என்று மத்திய தகவல் ஆணையம் எண். CIC/Legal/2007/2006/13/2/2008/LC Singhi Additional Registrar என்ற வழக்கில் உத்தரவு பிறப்பித்துள்ளது.
பொதுத் தகவல் அதிகாரி, தகவல் அளிக்க தாமதிக்கும் ஒவ்வொரு நாளுக்கும் ரூ. 250/- அபராதம் செலுத்த வேண்டும் அதிகபட்சமாக ரூ. 25000/-அபராதம் செலுத்த வேண்டும் மற்றும் துறை ரீதியாகவும் நடவடிக்கை எடுக்கப்படும்.
ஒவ்வொரு அலுவலகத்திலும், நிறுவனத்திலும் பொதுத் தகவல் அதிகாரி (Public Information Officer) மற்றும் உதவிப் பொதுத் தகவல் அதிகாரி என்பவர்கள் இருக்கிறார்கள்.
வங்கி உள்ளிட்ட மத்திய அரசு நிறுவனங்களைப் பொறுத்தவரையில் மத்திய பொதுத் தகவல் அதிகாரி (Centeral Public Information Officer) என்பவர் இருக்கிறார்.
பொதுத் தகவல் அதிகாரி தகவல் கொடுப்பதற்குத் தவறினால், அல்லது சரியான பதிலைக் கொடுக்கத் தவறினால், அவர் எந்த அதிகார அமைப்பின் கீழ்ப் பணியாற்றுகின்றாரோ அந்த அலுவலகத்திற்கு முதல் மேல்முறையீடு செய்ய வேண்டும்.
தகவல் கேட்கும் விண்ணப்பம், மற்றும் மேல்முறையீட்டு மனுவை தவறான முகவரிக்கு அனுப்பியிருந்தால் கூட அந்த விண்ணப்பத்தை அல்லது மேல்முறையீட்டை எந்த முகவரிக்கு அனுப்ப வேண்டுமோ அதன் சரியான முகவரிக்கு அந்தந்த அதிகாரிகள் அனுப்பி வைத்தல் வேண்டும். தகவல் கேட்டதற்கான விண்ணப்பம், மற்றும் மேல்முறையீட்டு விண்ணப்பத்தை பதிவஞ்சல் மூலமாக அனுப்ப வேண்டும் அதில் ஏற்பளிப்பு அட்டையை இணைக்க வேண்டும். அரசு அலுவலகங்களுக்கு அனுப்பப்படும் பதிவஞ்சலை அரசுத் துறையினர் வாங்க மறுக்கக்கூடாது இது தொடர்பாக தமிழக அரசின் தலைமைச் செயலாளர் அண்மையில் அரசு அலுவலகங்கள் அனைத்திற்கும் சுற்றறிக்கை ஒன்றை அனுப்பியுள்ளார். மேல்முறையீட்டை, மேல்முறையீட்டு அதிகாரி என்று முகவரியிட்டு, அவர் பணியாற்றும் அலுவலக முகவரியைக் குறிப்பிட்டால் போதுமானதாகும். மேல்முறையீட்டிற்கு முத்திரைவில்லை ஒட்ட வேண்டிய அவசியமில்லை. அல்லது கேட்பு வரைவோலை (DD) யை அனுப்பவேண்டியதில்லை.
மத்திய தகவல் ஆணையத்திற்கோ, மாநிலத் தகவல் ஆணையத்திற்கோ மேல்முறையீடு செய்யும் போது, மேல்முறையீட்டில் முத்திரை வில்லை ஒட்ட வேண்டியதில்லை. அல்லது கேட்பு வரைவோலையை (D.D) அனுப்பவேண்டியதில்லை.
மத்திய அரசு நிறுவனங்களிலிருந்து இந்தி அல்லது ஆங்கிலத்தில் மட்டுமே தகவலைப் பெறமுடியும், எனினும் அந்தந்த மாநிலத்திலுள்ள மத்திய அரசு நிறுவனங்களில் சில வேளைகளில் மாநிலத்திலுள்ள ஆட்சி மொழியிலும் தகவலைப்பெற முடியும். மாநில அரசு நிறுவனங்களைப் பொறுத்த வரையில் அந்தந்த மாநில ஆட்சி மொழியில் தகவலைப் பெறலாம்.
மாநிலத் தகவல் ஆணையத்தில் மேல்முறையீடு செய்யும் போது அந்தந்த மாநிலத்தின் ஆட்சி மொழியில் மேல்முறையீட்டு மனுவைத் தாக்கல் செய்யலாம். ஆனால் மத்திய தகவல் ஆணையத்தைப் பொறுத்த வரையில் ஆங்கிலம் அல்லது இந்தியில் மட்டுமே மேல்முறையீடு செய்ய வேண்டும். மேல்முறையீட்டுடன் இணைக்கப்படும் ஆவணங்கள் அனைத்தையும் ஆங்கிலத்தில் மொழிபெயர்ப்புத் செய்து இணைத்து அனுப்புதல் வேண்டும். அல்லது இந்தி மொழியில் இணைத்து அனுப்புதல் வேண்டும். எனினும் சிலர் மத்திய தகவல் ஆணையத்தில் தமிழ் மொழியில் மேல் முறையீடு செய்து உரிய பரிகாரத்தைப் பெற்றுள்ளார்கள். மத்திய தகவல் ஆணையத்தில் தொடுக்கப்பட்ட வழக்குச் சம்பந்தமாக விசாரணை நடைபெறும் போது, டெல்லிக்குச்சென்று மத்திய தகவல் ஆணையத்தில் நேரிடையாகக் கலந்துக்கொள்ளலாம். நேரில் செல்ல முடியாதபோது அந்தந்த மாவட்டத்திலுள்ள மாவட்ட ஆட்சியர் அலுவலகத்திலிருந்து வீடியோகான்பரன்சிங் மூலம் தோன்றி விசாரணையில் கலந்துகொள்ளலாம். ஆங்கிலம் தெரியாதவர்கள் தனக்கு உதவியாக ஆங்கிலம் தெரிந்த ஒரு நபரை அமர்த்திக்கொள்ளலாம். பொதுத்தகவல் அதிகாரி வேறொரு மாவட்டத்தைச் சேர்ந்தவராக இருந்தால் அவர் அந்த மாவட்ட ஆட்சியர் அலுவலகத்திலுள்ள வீடியோகான்பரன்சிங் மூலம் தோன்றலாம். மத்திய தகவல் ஆணையம் (CIC) மாநிலத் தகவல் ஆணையம் (S.I.C.) ஆகியோரின் தீர்ப்பில் குறையுற்றவர்கள் உச்சநீதிமன்றம், உயர் நீதிமன்றம் ஆகியவற்றில் நீதிப்பேராணை மனுவை (Writ Petition) தாக்கல் செய்து தகவலைப் பெறலாம்.
பொதுமக்கள், மாவட்ட முன்சீப் நீதிமன்றம் மற்றும் நீதித்துறை நடுவர் நீதிமன்றத்திலிருந்து உச்ச நீதிமன்றம் வரையில் அவர்களது வழக்கை, வழக்கறிஞர்களை நியமித்துக் கொள்ளாமல் நடத்திக் கொள்ளலாமெனினும், பெரும்பாலான மக்கள் அவ்வாறு தமது வழக்கைத் தாமே நடத்திக் கொள்வதற்கு முன்வருவதில்லை. ஆனால், மத்திய / மாநிலத் தகவல் ஆணையத்தில் வழக்கறிஞர்கள் வழக்காளிக்காகத் தோன்றுவதற்கு உரிமையில்லை என்பதனால், பொதுமக்கள் அனைவரும் அவர்களது வழக்குகளை தாமாகவே தனித்தனியே நடத்திக் கொள்கிறார்கள். புதுக்கோட்டையைச் சேர்ந்த நபர் ஒருவர், தமிழிலேயே இரண்டாவது மேல்முறையீட்டை தில்லியிலுள்ள மத்திய தகவல் ஆணையத்திற்கு (CIC) அனுப்பிவைத்து, அதில் நேரில் தோன்றி தனது வாதத்தைத் தமிழிலேயே எடுத்துவைத்து நல்லதொரு தீர்ப்பைப் பெற்றிருக்கிறார்.
மத்திய தகவல் ஆணையத்திற்கும் மாநிலத் தகவல் ஆணையத்திற்கும் "கலாம் சட்ட இயக்கத்தின்" ஒரு வேண்டுகோள். நீங்களும் நீதிபதி ஆவீர்கள் உங்களது ஆணையமும் நீதிமன்றமாகும். ஆகையால், பொதுமக்கள் எவ்வளவு கேள்வி கேட்டாலும் அதனை நீங்கள் மகிழ்ச்சியோடு வரவேற்க வேண்டுமே தவிர, பொதுமக்கள் அதிக கேள்விகள் கேட்கக்கூடாது என்றும், அதிக எண்ணிக்கையில் மனுக்களை அனுப்பக் கூடாது என்றும் கூறுவது சரியல்ல. அற்புதமான ஒரு சட்டத்தை நீதிபதிகளாகிய தகவல் ஆணையர்களே !!! முடமாக்கி விடாதீர்கள்.
The RTI Act, 2005, is a law that empowers citizens to access information from public authorities to promote transparency and accountability in governance. It grants Indian citizens the right to seek information held by or under the control of public authorities, including the right to inspect documents, take notes, and obtain certified copies or information in electronic format. The act mandates public authorities to maintain and computerize records, and information must be provided within 30 days, with a 48-hour limit for matters of life or liberty.
Key aspects of the RTI Act, 2005 Purpose: To provide a practical regime for citizens to secure access to information from public authorities, thereby promoting transparency and accountability in government, reducing corruption, and empowering citizens.
Scope: It applies to all citizens of India and includes information held by or under the control of public authorities. It is considered a fundamental right derived from the constitutional right to freedom of speech and expression under Article 19(1)(a).
Citizen's rights: Citizens can request information in various forms, including inspection of records, taking notes, obtaining certified copies, and receiving information in electronic formats like diskettes or printouts.
Public authority obligations: Public authorities are required to maintain all records in a cataloged and indexed manner, and computerize them where possible to facilitate access. They are also encouraged to proactively disclose a wide range of information to the public through their websites (suo moto disclosure).
Timeframes: A response is expected within 30 days of a request. For information concerning life or liberty, the time limit is reduced to 48 hours.
Appeals: If a request is denied or the response is unsatisfactory, the citizen has the right to appeal the decision.
Exemptions: There are certain grounds for rejection, such as if the request would infringe on copyright or if providing the information would disproportionately divert the authority's resources.
House Feed நிறுவனமும் ஒரு பொது அதிகார அமைப்பாகும். அதனால் இந்த உத்தரவின் நகல் கிடைக்கப்பெற்ற தேதியிலிருந்து 30 நாட்களுக்குள் தமது நிறுவனத்தில் ஒரு பொதுத் தகவல் அதிகாரியையும் முதல் மேல் முறையீட்டு அதிகாரியையும் . STATE INFORMATION COMMISSION, PUNJAB Date of decision: 20.05.2015
கூட்டுறவுச் சங்கங்களும் தனியார் கல்வி நிறுவனங்களும் தகவல் அளிப்பதற்குக் கடமைப்பட்டதாகும். Punjab-Haryana High Court Civil Writ Petition No.19224
கூட்டுறவுத்துறையைச் சேர்ந்தவர்கள் தகவல் அளிக்கக் கடமைப்பட்டவர்கள் அல்லவென்று பதிலளித்ததையடுத்து எழுந்த வழக்கில் கூட்டுறவுத் துறையைச் சேர்ந்தவர்கள் மத்திய தகவல் ஆணையத்தில் தோன்றாததால் அவர்களுக்கு தகவல் அறியும் உரிமைச்சட்டத்தின் கீழ் குற்ற வழக்கு நடவடிக்கையை ஏன் எடுக்கக்கூடாது என்பதற்கு விளக்கங் கேட்டு பிறப்பித்த உத்தரவு. File No. CIC/SH/C/2014/000550
லஞ்சம் தவிர் நெஞ்சம் நிமிர் கையூட்டை உடைத்து ஊழலை ஒழி கலாம் சட்ட இயக்கத்தில் இணைந்திடுவீர்.
01
நிறுவனர் & தலைவர்
அரசு சட்ட விதியின் படி 2025 ஆண்டு பிப்ரவரி மாதம் 6 ஆம் தேதி முறைப்படி 1975 ஆம் ஆண்டு தமிழ்நாடு சங்கங்களின் பதிவுச் சட்டத்தின் கீழ் (தமிழ்நாடு சட்டம் 27/1975) கலாம் சட்ட இயக்கம் தொடங்கிது. இயக்கமாய் இணைவோம் !!! இயன்றதை செய்வோம் !!!
02
செயலாளர்
எங்கள் முக்கிய குறிக்கோள் லஞ்சம், ஊழல் எதிப்பு, சட்ட விழிப்புணர்வு, சமூக விழிப்புணர்வு, அரசியல் விழிப்புணர்வு, அரசு நிர்வாக நடைமுறைகள் பற்றி விழிப்புணர்வு மற்றும் அரசு நிர்வாக விழிப்புணர்வு ஏற்ப்படுத்துவதே. கலாம் சட்ட இயக்கத்தில் இணைந்திடுவீர்.
03
பொருளாளர்
ஊழல் ஒழிப்பு / லஞ்ச லாவன்யம் இல்லாத நிர்வாகம் வெளிப்படையான மக்களுக்கான விவசாயிகளுக்கான தொழிலாளர்களுக்கான அரசு நிர்வாகம் அமையவும், சட்ட விழிப்பணர்வு பெற்ற சமுதாயம் அமையவும் கலாம் சட்ட இயக்கம் செயல்படும்.
கலாம் சட்ட இயக்கம் ஊழல் எதிர்ப்புப் பணியின் முதன்மையான கவனம் நிர்வாகத்தில் வெளிப்படைத்தன்மை மற்றும் பொறுப்புணர்வை உறுதி செய்வதாகும்...
